賽後報道

全球第一隊！日本出線世盃決賽周

2025/03/21

日本隊提前出線，眾星開心慶祝。

next 1/1 pre

久保建英完場前為日本埋齋。

next 1/1 pre

世盃外亞洲區第三圈C組矚目之戰，日本主場2比0擊敗巴林，全取3分後以19分高踞榜首，提前3輪取得出線權，成為2026世盃決賽周首支出線隊伍，同時亦是日本角逐世盃外史上最快出線一次，反映球隊喺亞洲已經超晒班。

日本今仗強陣出擊，開賽10分鐘已憑遠藤航藉一次角球攻勢攻破對方大門，可惜入波前上田綺世犯手球，球證覆核VAR後判入球作廢；日本隊食詐胡後並不着急，慢慢組織攻勢，反而畀巴林站穩陣腳，結果被巴林嚴密防守成功守和半場，0比0返入更衣室。

兩蛋輕取巴林

下半場巴林繼續死守，日本主帥森保一下半場63分鐘變陣，換入伊東純也及鎌田大地，並加快比賽節奏，結果即時奏效，上田綺世送直線，久保建英接應後妙傳畀空晒嘅鎌田大地，後者單刀射破巴林大門，66分鐘日本領先1比0。日本隊入波後繼續壓住嚟攻，久保建英射死角被對方門將撲出，不過巴林避得初一避唔到十五，久保建英另一次左路窄角球施射順利破網，日本最終贏2比0，提前出線。

上一則 :

下一則 :